Joan den ostegunean eta ostiralean, ertzain baten eta Ermuko udaltzain baten bisita izan genuen. DBHko 3. eta 4. mailako ikasleei bizikidetza-arau batzuk azaldu zizkieten, adibidez: hiri-altzarien erabilera egokia eta ekintza bandaliko horien aurrean dagoen zigor-eragina. Oso hitzaldi interesgarria eta beharrezkoa izan zen.
Oso ondo pasa zuten asteartean! Haur Hezkuntzako eta Lehen Hezkuntzakoikasleek ahalik eta gehien gozatu zuten inauterietako jaiaz. Zein ederrak etorri ziren denak aukeratutako lanbideak antzezten. Dena primeran atera zen.
San Pelayo Ikastetxetik Ukrainaren aurkako guda gaitzesten dugu eta, horregatik, 5. mailatik aurrerako ikasleek egunero geraldi bat antolatu dute gudaren amaieraren aldeko manifestazioa egiteko.
Badatozela, badatozela! Inauteriak datoz berriro!. Ikasleak horiek ospatzeko irrikan daude. Horregatik, segurtasun-neurri guztiak errespetatuz, jarduera batzuk prestatu ditugu haientzat data bereziak izan daitezen: – Osteguna, hilak 24, oilarraren eguna da, baina aurten plazan ospatuko ez denez, arratsaldean ospakizun txiki bat egingo dugu ikastetxean. Haur eta lehen hezkuntzako ikasleek mozorrotuta etortzeko aukera izango dute (arratsaldean). Egun…
2022/23 ikasturterako batxilergoko matrikula presentziala egiteko epea martxoaren 28tik apirilaren 8ra irekiko da. Gure ikastetxean matrikulatuta dauden ikasleek ez dute aurrematrikularik egin behar. Aldez aurretik hitzordua telefonoz hartzea gomendatzen da (943170468).
Joan den astelehenean, hilak 31, bakearen eguna ospatu genuen eskolan. Esan genuen bezala, bizitzen ari garen osasun-egoera dela eta, aurten ezin izan gara denok batera elkartu ospatzeko, baina ikasgela bakoitzak bere aletxoa eman du egun berezi bat egiteko. Etxetik ikasle guztien lanez goza dezazuen, bideo hau prestatu dugu. Zuen gustokoa izatea espero dugu. https://drive.google.com/file/d/1-07BhiULRifpOzHMT5KNRbdM-q6GkHDG/view?usp=drivesdk
Datorren ostegunean, hilak 3, DBHko 4. mailako ikasleek irteera bat egingo dute Bilbora. Bertan, Arte Ederren Museoa bisitatuko dute. Ondoren, hiriko kaleetan zehar, XIX. mendeko eklektizismoaz, AbandoIbarra pasealekuaren historiaz eta Ria 2000 proiektuaz gozatuko dute. Irteera oso interesgarria izango da, eta espero dugu ahalik eta gehien gozatzea.
Gaur, DBHko 3. eta 4. mailako ikasleek AESLEME elkarteko (bide-segurtasunean hezteko eta Espainian mugikortasunak eragindako lesioak saihesteko elkartea) bi parte-hartzaile izan dituzte, “Gerta dakizuke” prebentzio-kanpainarekin. Kanpaina honen helburua biktimarik gabeko mugikortasuna lortzea da. Hitzaldia bide-segurtasunean trebatutako profesional-talde batek egin du, eta ikasleei bide-ezbehar baten atzean dagoen errealitatea eta saihestu beharreko arriskuak erakutsi dizkiote, arrisku horiek…
Datorren astelehenean, hilak 31, Bakearen Eguna ospatuko dugu. Bizitzen ari garen osasun-egoera dela eta, ospakizuna ikasgela barruan egingo da. Eta, horretarako, hainbat jarduera egingo dituzte. Abesti ezberdinak landuko dituzte eta horma-irudiak egingo dituzte gure hormak positibotasunez eta alaitasunez betetzeko.
Joan den ostiralean, urtarrilaren 21ean, lehen hezkuntzako 5. eta 6. mailako ikasleek Urkiolako parke naturala bisitatu zuten. Irteera horren helburua gizakiak ingurune naturalarekin duen elkarreragina aztertzea zen, jarrera kritikoa sustatzeko. Irteeran, hainbat jarduera egin zituzten: lehenik eta behin, 1,5 km-ko ibilbide didaktikoaz gozatu zuten, orientazio-jolas baten bidez. Antzinako tradizioak eta giza jarduerak ezagutu zituzten. Behin…
