Joan den otsailaren 24an Ukrainan liskarrak areagotu zirenetik, 7,5 milioi haurren bizitza arriskuan egon da. Gatazkak gora egiten duen heinean, nesken, mutikoen eta haien familien beharrek ere gora egiten dute. UNICEFen gau eta egun lanean ari gara gure operazioak areagotzeko, segurtasun-egoeraren garapena ebaluatuz, aliatuak bilduz, herrialdearen barruan eta kanpoan, eta Ukrainan jarraitzen duten haurrei laguntza gehiago emateko. Horren barruan sartzen dira ur seguruko kamioiak gatazkak eragindako eremuetan, osasun-, higiene- eta hezkuntza-hornidurak bidaltzea, haurrak babesteko zerbitzuak eta segurtasun falta kroniko horren ondorioz traumatizatutako haurrei arreta psikosoziala ematea. Gainera, mugako herrialdeetan ere jarduten ari gara.
