Atzo, urriaren 29an, hainbat ikasle taldek eta familiak McSonrisasen eskutik gailu mugikorren eta teknologia berrien erabilera egokiari buruzko prestakuntza jaso zuten.
Hezkuntza digitaleko tailer hauen helburua ikasleek mundu digitalaren erabilera kontzienteagoa egitea da. Horretarako, sare sozialak, bideojokoak eta smartphone-ak segurtasunez erabiltzeko tailerrak ematen ditugu. Lehen hezkuntzako jolasen eta gainerako zikloetako jardueren bidez, teknologia horiei lotutako arriskuak, erabilera desegokiaren ondorioak eta horiek prebenitzeko moduak erakutsi zizkieten.
Besteak beste, honako gai hauek landu ziren: Interneteko ezezagunak, hatz-marka digitala eta interneteko pribatutasuna, groominga (Interneteko pederasten hurbilketak), sexting eta sextorsioa, malware eta ingeniaritza soziala, fake news eta gezurrak Interneten, indarkeria digitala, jazarpen digitala eta toxikotasuna, bikotearen kontrola indarkeria digitalaren modu gisa, sare sozialen erabilera segurua, ordenagailuak eta smartphoneak, sare sozialen ondorioak gure osasun mentalean… Tailer horiek ziberbullying edo ziberjazarpen kasuak, groominga, sextorsioa eta Internetekin lotutako hainbat arazo detektatzeko aprobetxatzen dira.
