Lehen Hezkuntzako 1. eta 2. mailako ikasleak Udalak eta Debabarreneko Mankomunitateak hondakinen inguruan sentsibilizatzeko antolatutako programa batean sartuta daude. Atzo, 2021eko azaroaren 16an (asteartea), klase teoriko bat jaso zuten gai honen inguruan, eta bertan sakon landu zituzten gaur egun zaborrarekin bizi ditugun arazoei aurre egiteko irtenbideak. Eta hilaren 23an, saio praktiko bat jasoko dute, Ermuko kaleetan zehar, Mankomunitateko langile batek lagundutaz. Saio horretan, Mankomunitateko langileak paperontzia ikasleen aurrean hustuko du eta hondakinak dagokien ontzian sailkatuko ditu. Horrela, ikasleek ikusi ahal izango dute dagoen arazoa benetan larria dela, eta era berean, kontzientziatzeko aukera izango dute mundu hobe baten alde lan egiteko.
