Beste urte batzuetan bezala, Ikastetxeko 4. mailako ikasle boluntarioak eta Eskolako familiak elkarlanean arituko dira Elikagaien Bankuarekin azaroaren 22an eta 23an Eroski eta B.M. supermerkatuetan egingo den elikagaiak biltzeko ezohiko kanpainan.
Ostiralean, azaroaren 22an, hasiko da Lehen Hezkuntzako 5. mailako ikasleentzako igeriketa ikastaroa. Ikastaroak 5 saio izango ditu (azaroak 22, 26,27,28 eta 29). 8: 45ean egon beharko dute kiroldegiko atean.
Ostiral honetan, Gernikako Juntetxean, haurtzaroari buruzko osoko bilkura monografikoa egingo da, Bizkaiko Batzar Nagusiek antolatuta, Unicefekin lankidetzan. Bertan, DBHko 2. mailako gure ikasleek parte hartuko dute. 12 eta 14 urte bitarteko ehundik gora gaztek, Bizkaiko haur guztien ordezkari gisa, haurren eta nerabeen eskubideak oinarri hartuta, herrietan gazteen parte-hartzea lantzearen garrantzia azpimarratuko dute.
